Күрэхтэһиигэ Мииринэйтэн, Сунтаартан, Ньурбаттан, Үөһээ Бүлүүттэн, Чурапчыттан, Дьокуускайтан, Намтан, Бүлүүттэн уопсайа 40-ча эдэр спортсменнар күөн көрүстүлэр. Иван Григорьевич төрөппүт уола Григорий Иванович уонна кини кэргэнэ Мария Константиновна күндү ыалдьыттарынан буоллулар.

Турнир үөрүүлээх аһыллыытыгар “Эрчим” спорткомплексын дириэктэрэ Валерий Нифонов, Дьокуускайтан И.Г.Федоров уола Григорий Федоров, күрэхтэһии кылаабынай судьуйата Алексей Сергеевич Акимов кыттааччылары эҕэрдэлээтилэр уонна ким кыахтаах уонна үчүгэй бэлэмнээх кыайдын диэн баҕа санааларын эттилэр. “Сулус суһума” айар бөлөх ырыаһыта Александр Иванов ырыанан эҕэрдэтин тириэртэ. Күрэхтэһии саастарынан улахан, орто, кыра диэн 3 бөлөҕүнэн араарыллан ыытылынна. Кыргыттар уонна уолаттар куобах, кылыы, ыстаҥа көрүҥнэринэн күрэхтэһиини тэтимнээхтик саҕалаатылар. Ол курдук, бары көрүҥнэргэ тыҥааһыннаах, улахан эрийсиилээх киирсиилэр түмүктэринэн уопсай троеборьеҕа улахан уолаттарга бастакы миэстэни Афоня Сибиряков (Чурапчы) ылла иккискэ – Айастан Колесов (Чурапчы), үһүс миэстэҕэ Петя Семенов (Үөһээ Бүлүү) таҕыстылар. Орто саастаах уолаттарга Чурапчыттан Ярослав Петров бастаата, иккиһи – Бүлүүттэн Миша Кожевников, үһүс миэстэни Чурапчыттан Лазарь Чиркоев ыллылар. Кыра саастаах уолаттарга бастакы миэстэни Артем Пермяков ылла (Дьокуускай), иккискэ – Евгений Корякин (Бүлүү), үһүскэ – Вадим Макаров (Булуу-Чинэкэ). Улахан саастаах кыргыттарга бастакы миэстэҕэ Бүлүүттэн Комарова Сайаана Куо таҕыста, иккискэ – Булуу- Өкүндүттэн Салина Доржиева. Орто саастаахтарга Юна Марова бастаата (Мииринэй), иккиһи – Нарыйаана Салышева (Чурапчы), үсүһү Ольга Кугдарова (Чурапчы) ыллылар. Кыра саастаах кыргыттарга бастакы миэстэни Анжелика Лугинова ( Дьокуускай) ылла, иккискэ – Айыллаана Петрова (Дьокуускай), үһүскэ – Энесса Веревкина (Булуу-Чинэкэ).

Турнир сүрүн спонсордарынан Иван Григорьевич Федоров уолун Григорий Иванович дьиэ кэргэттэрэ уонна сахалыы атах онньуутун республикатаагы федерацията, Булуу- улууьун МКУ спорткомитет, Булуутэги МБУ ДО ДЮСШ буоллулар. Кинилэр хас биирдии чемпиоҥҥа, бириистээх миэстэлэри ылбыт спортсменнарга анал мэтээллэри, дипломнары, кубоктары, харчынан бириэмийэлэри үөрүүлээх быһыыга-майгыга туттардылар. Итини сэргэ бу дьиэ кэргэн бэйэтин аатыттан сахалыы атах оонньууларын ыччат ортотугар тэнитиигэ, кинилэри эрчийэн дьарыктааһыҥҥа өр сыллаах сыралаах уонна түмүктээх үлэлэрин бэлиэтээн тренердэргэ Махтал суруктары, өйдөбүнньүк бэлэхтэри анаатылар. Түмүккэ И.Г.Федоров уола Григорий Иванович тэрийээччилэргэ уонна спортсменнарга махтанна уонна бу күрэхтэһии тиһигин быспакка ыытыллан, өссө сайдан-кэҥээн иһэригэр баҕа санаатын эттэ. Итини сэргэ инникитин бу турниртан кынаттанан, спорт маастарыгар тиийэ үүммүт эдэр спортсмеҥҥа кини аҕатын Иван Григорьевич аатын үйэтитиигэ кылаатын иһин анал бирииһи олохтуур санаалааҕын бар дьонугар иһитиннэрдэ. Бу күрэхтэһиигэ тренердэр Бүлүүттэн Алексей Сергеевич Акимов, Булуу-Чинэкэттэн Власий Фëдорович Семенов, Чурапчыттан Иван Иванович Чиркоев, Мирнэйтэн Иван Андреевич Устинов, Дьокускайтан Иван Петрович Пестряков, Ньурбаттан Семëнов Афанасий Васильевич уо.д.а. тэрээһиннээхтик үлэлээбиттэрин бэлиэтиэххэ наада.